Qazaqstan ınternet ınfraqurylymy boıynsha 65-orynda – Baǵdat Mýsın

ASTANA. QazAqparat – Qazaqstan ınternet ınfraqurylymynyń sýbındeksi boıynsha álemde 65-orynda tur. Bul jaıynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Astanada ótip jatqan Strategııalyq bastamalar forýmynda aıtty, dep habarlaıdy QazAqparat tilshisi.

«Medaldiń ekinshi beti bolatyny belgili. Ol qazir biz úshin – ınfraqurylym. Tsıfrlandyrý ári qaraı alǵa basýy úshin, árıne, oǵan qoljetimdilik máselesin sheshý kerek. Internet ınfraqurylym sýbındeksi boıynsha jumys isteýdi qajet etetin tustar kóp – 65-oryndamyz. ıAǵnı, onlaın qyzmetter jóninen 8-orynda tursaq, ınternet boıynsha 65-oryndamyz», - dedi mınıstr.

Sondaı-aq ol Qazaqstannyń keleshegi tsıfrlandyrýmen tikeleı baılanysty ekenin eske saldy.

«Meniń oıymda ınternetke qoljetimdilik qazaqstandyqtar úshin múmkindik arnasyna aınalýy kerek. ıAǵnı, kez kelgen azamat, kez kelgen adam tsıfrlyq ıgilikterge qol jetkize alatyndaı bolýy qajet», - dedi vedomstvo basshysy.