Qazaqstan ınnovatsııalyq ekonomıkaly 50 eldiń ındeksine endi
ASTANA. QazAqparat - Bloomberg-tiń ınnovatsııalyq ekonomıkalyq ındeksinde birinshi oryndy Ońtústik Koreıa ıelendi. Odan keıingi oryndarǵa Germanııa, Shvetsııa, Japonııa jáne Shveıtsarııa ornalasty. Eń ınnovatsııalyq elder ondyǵyna sondaı-aq Sıngapýr, Fınlıandııa, AQSh, Danııa jáne Frantsııa endi, dep habarlady RBK.
Bloomberg-tiń ınnovatsııalar ındeksinde 50 el bar, ony Taıland, Marokko, Argentına jáne Qazaqstan tuıyqtaıdy.
Reseı bıylǵy jyly 12-shi orynda, ótken jyly ol 14-shi qatarda turǵan bolatyn.
Bloomberg ınnovatsııalar ındeksi jeti kórsetkish negizinde qurylǵan: ǵylymı-zertteý jáne tájirıbelik konstrýktorlyq jumystarǵa shyǵyndar, ónimdilik, ekronomıkada joǵary tehnologııaly kompanııalardyń bolýy, joǵary bilimniń taralýy, taýarlardyń qosymsha quny, tirkelgen patentter sany jáne zertteýshiler sany.
Bloomberg tiziminde Qytaı 21-shi orynda, Malaızııa, 25-shi, Gonkong - 37-shi, Úndistan - 45-shi oryndarda.
Wells Fargo ekonomısi Djeı Braısonnyń atap ótýinshe, Qytaıdyń 21-shi orynda bolýy QHR-dyń damýshy el mártebesin beıneleıdi, ol tehnologııalar jasap otyrǵan joq, ony kóshirip otyr.
