Qazaqstan ınfraqurylym sapasy boıynsha Dúnıejúzilik ekonomıkalyq forým reıtınginde 57-shi orynǵa kóterilmek

ASTANA. QazAqparat - 2019 jyly 2014 jylǵa qatysty JІÓ 15,7 paıyzǵa ósedi. Bul týraly búgin Ortalyq kommýnıkatsııalar qyzmetinde «Nurly jol» baǵdarlamasyn iske asyrý máselesine arnalǵan brıfıngte QR Ulttyq ekonomıka mınıstriniń birinshi orynbasary Marat Qusaıynov málim etti.

«Baǵdarlamany iske asyrý kelesi nátıjelerge qol jetkizýge múmkindik beredi, ıaǵnı 2019 jyly 2014 jylǵa qatysty jalpy ishki ónimniń 15,7 paıyzǵa ósýin qamtamasyz etý. Sonymen qatar 2015-2019 jyldary 395,5 myń adamǵa arnalǵan jumys oryndaryn qurý, onyń ishinde turaqty - 86,9 myń adam, ýaqytsha - 308,6 myń adam jumyspen qamtylady», - dedi Qusaıynov.

Onyń sózine qaraǵanda, 2019 jyly bazalyq ınfraqurylym sapasy boıynsha elimiz Dúnıejúzilik ekonomıkalyq forým reıtınginde 57-shi orynǵa deıin kóterilýdi josparlap otyr.