Qazaqstan ımporttyq dári-dármekke 1 mlrd dollar jumsady

ASTANA. KAZINFORM – Qańtar-maýsym aılarynda dári-dármek ımporty 1,06 mlrd dollardy qurady. Birinshi jartyjyldyqta mundaı úlken kólem kem degende 2019 jyldan beri baıqalmaǵan, dep habarlaıdy Birinshi nesıelik bıýronyń Telegram-arnasy. 

Jyldan jylǵa shetelge jóneltilimderdiń quny nomınaldy túrde 56%-ǵa ósti. Serpilis 2 jyl buryn baıqaldy. Degenmen, ol qazirgiden aıtarlyqtaı tómen boldy – 39%.

Importtyń fızıkalyq kólemi de rekord jańartyp otyr – 18,9 myń tonna. 2023 jyldyń sáıkes kezeńine qaraı bul kórsetkish 38%-ǵa ósken.

Qazaqstan dári-dármek ákelgen elderdiń tizimi óte uzaq. Ondaǵy jalpy somanyń eń eleýli úlesi tómendegi elderge tıesili:

* Germanııa – 16% (173,3 mln dollar);

* Úndistan – 9% ($93,4 mln);

* Italııa – 7% (74,1 mln dollar);

* Reseı – 6% ($58 mln).

Tizimdegi sońǵy el jetkizilimderdiń jalpy salmaǵynyń 27%-yn quraıdy – 5,2 myń tonna.

6 aıda Qazaqstannyń ózi 87,3 mlrd teńgege (194,4 mln dollar) dári-dármek óndirdi.