Qazaqstan ımporttaýshylary teńge baǵamyna qalaı áser etti - sarapshy
ASTANA. KAZINFORM – Qazaqstan qarjygerleri qaýymdastyǵynyń jetekshi sarapshysy Zarına Skrıpchenko ótken aptada teńge baǵamyna qandaı faktorlar áser etkenin aıtyp, aldaǵy aptaǵa boljam jasady.
Osy aptada ulttyq valıýtanyń aıyrbas baǵamy bir dollar úshin 0,6 paıyzǵa, 442,02 teńgege deıin.
Zarına Skrıpchenkonyń aıtýynsha, buǵan álemdik shıkizat naryǵyndaǵy suranys pen usynystyń tepe-teńdigi týraly daýly pikirler aıasynda munaı baǵamynyń qubylmalylyǵy, sondaı-aq Federaldy rezervtiń munan ári aqsha-nesıe saıasatynyń belgisizdigine jaýap retinde AQSh dollary ındeksiniń aýytqýy yqpal etti.
«Jergilikti naryqta qazaqstandyq kompanııalar tarapynan ımporttyq kelisimsharttardy (2024 jylǵy I toqsanda 13 mlrd dollar) jáne syrtqy boryshty óteý/qyzmet kórsetý (2024 jylǵy II toqsanda 6,5 mlrd dollar), sondaı-aq Ulttyq banktiń Biryńǵaı jınaqtaýshy zeınetaqy qorynyń valıýtalyq aktıvterin (mamyrda 450-500 mln dollar shamasynda) tolyqtyrý maqsatynda satyp alýdy júzege asyrý is-qımylynyń nátıjesinde sheteldik valıýtaǵa suranystyń artqany baıqalady», - dedi sarapshy.
Ol kelesi aptada qazaqstandyq eksporttaýshy kompanııalardyń toqsandyq salyq kezeńine daıyndyq bastaýy teńgeniń nyǵaıýyna yqpal etýi múmkin ekendigin aıtady. Al salyq kezeńiniń shyrqaý sáti 27 mamyrǵa jalǵasady.
