Qazaqstan IMD álemdik daryndar reıtınginde 32-orynǵa turaqtady
ASTANA. QazAqparat - Halyqaralyq menedjmentti damytý ınstıtýtynyń (IMD, Shveıtsarııa, Lozanna) Álemdik básekege qabilettilikti zertteý ortalyǵy álemdik básekege qabilettilik reıtıngine qatysqan álemniń 60 eliniń jyl saıynǵy «Álemdik daryndar esebi - 2014» (IMD World Talent Report 2014) nátıjelerin jarııalady.
Bul týraly QR Ulttyq ekonomıka mınıstrliginiń baspasóz qyzmetinen habarlady.
Jańa reıtıng elderdiń qyzmet jasaıtyn kompanııalar úshin daryndardy damytý, tartý jáne ustap qalý qabiletin baǵalaıdy. Reıtıng 20 kórsetkishke negizdelgen, olardyń arasynda statıstıkalyq ta, saýalnamalyq ta málimetter bar.
Reıtıngte eń úzdik elder retinde Shveıtsarııa (1-oryn), Danııa (2), Germanııa (3), Fınlıandııa (4) jáne Malaızııa (5) tanylǵan. Odan keıin Irlandııa, Nıderlandy, Kanada, Shvetsııa jáne Norvegııa ornalasqan. Tizimniń sońynda Ońtústik Afrıka (56), Perý (57), Horvatııa (58), Venesýela (59) jáne Bolgarııa (60) tur.
Qazaqstan úsh qurama faktorda ortasha deńgeıde (32 oryn) ornalasqan. Atap aıqanda, «Investıtsııalar jáne damý» faktory boıynsha 30-shy, «Tartymdylyq» - 39-shy jáne «Daıyndyq» faktorynda 32-shi orynda tur.
