Qazaqstan ımamdary bir jyldaǵy jumystarynyń nátıjesi boıynsha esep berýde

QMDB-nyń derbes saıtynda ornalastyrylǵan aqparatqa súıensek, keshe, 22 jeltoqsan kúni Qazaqstan musylmandary dinı basqarmasynyń eki kúndik keńeıtilgen tóralqa májilisi bastalǵan.

QMDB tóraǵasy, Bas múftı Ábsattar qajy Derbisáliniń tóraǵalyǵymen ótip jatqan májiliske QMDB Apparat basshysy B.Myrzaev, bólim meńgerýshileri, oblystar men óńirlerdegi ókil ımamdar, Nur-Múbarak ýnıversıtetiniń prorektory Sh.Kerim, Qazaqstan qajylar qaýymdastyǵynyń tóraǵasy E.Dýanaev qatysýda.

«Onda dinı basqarmanyń oblystar men óńirlerdegi ókil ımamdary ádettegideı bir jyl boıy atqarǵan uıymdastyrý-basqarý, dinı ýaǵyz-nasıhat, oqý-aǵartý, qajylyq jáne taǵy basqa baǵyttaǵy qyzmetteri jaıly esep berýde. Onda QMDB-nyń «Islam jáne órkenıet» gazeti men «Iman» jýrnalyna jazylý, qajylyqty ótkizý men uıymdastyrý máseleleri qaralyp, tıisti sheshimder qabyldandy», - delingen taratylǵan habarlamada.

Qajylyq bóliminiń meńgerýshisi Álisher Spanovtyń aıtýynsha, 2011 jyly 4 myń qazaqstandyq Mekke-Mádınada qajylyq paryzdaryn ótep keldi.