Qazaqstan Il-114 ushaǵyn jasaýǵa qyzyǵýshylyq tanytty
ASTANA. QazAqparat - Qazaqstan reseılik jańa týrbovıntti Il-114 ushaǵyn óndirýge qatysýǵa qyzyǵýshylyq tanytty. Bul týraly RF vıtse-premeri Dmıtrıı Rogozın Irkýtskide reseılik azamattyq avıatsııany damytý jónindegi jıynda málim etti, dep habarlaıdy rg.ru .
«Qazaqstandyq seriktester BAK-pen (Birikken avıatsııajasaý korporatsııasy - red.) birlesip Il-114 ushaǵyn kastomızatsııalaý ortalyǵyn qurýǵa qyzyǵýshylyq tanytty. Ol Baıqońyr qalasynda bosaıtyn alańdarǵa ornalastyrylýy yqtımal», - dedi Dmıtrıı Rogozın.
Qos motorly týrbovıntti Il-114 ushaǵyn jasaýdy qaıta qolǵa alý óz resýrsyn tolyq bitirgen An-24-ti almastyrýǵa, óńirlik tasymalǵa eseptelgen.
BAK prezıdenti ıÝrıı Slıýsardyń aıtýynsha, 2018 jyly jańǵyrtylǵan Il-114-ti sertıfıkattaýdy aıaqtaý kózdelip otyr. Ushaqty serııalyq óndirý 2022 jyldan bastalady. «Irkýt» korporatsııasy jylyna 12 dana Il-114 ushaǵyn qurastyrady. Ázirge reseılik naryqqa 57 áýe kemesin ázirleý kózdelgen.
Eske sala ketsek, Il-114 Ilıýshın konstrýktorlyq bıýrosy 1980-shi jyldary jasaǵan. Ushaq beton nemese tyǵyz topyraq jabyndysy bar qysqa ushý jolaqtarynda paıdalanýǵa arnalǵan. Syıymdylyǵy - 60 jolaýshy. Ushý uzaqtyǵy - 1000 kılometr, saǵatyna 500 km kreıserlik jyldamdyqpen 6000-7200 metr bıikte ushady.
Foto: Marına Lystseva/TASS
