Qazaqstan hokkeıshileri Olımpıada-2018 irikteý oıynynda Italııa quramasyn jeńdi
ASTANA. QazAqparat - Hokkeıden Qazaqstan quramasy 2018 jyly ótetin Olımpıada oıyndarynyń sońǵy biliktilik týrnıri aıasynda F tobyndaǵy qorytyndy matchyn Italııaǵa qarsy ótkizip, 3-2 esebimen jeńiske jetti, dep habarlady Sports.kz.
Qazaqstan quramasynyń oıynshylary: Kolesnık - Semenov-Dallmen, Bochenskı-Starchenko-Kýchın; Savchenko-Trıasýnov, Hýdıakov-Shın-Rymarev; Lıpın-Lakıza, Belgibaev-Pýshkarev-Ivanov; Ibraıbekov, Grents-Mıhaılıs.
Alǵashqy eki kezeńde komandalar kezek-kezek bir-biriniń qaqpasynyń osal tusyn dál tapty. Aldymen ıtalıandyq Djýlıo Skandello shaıba salsa, oǵan qarymta jaýapty Maksım Hýdıakov berdi. Odan keıin Brendon Bochenskı qazaqstandyqtardy alǵa shyǵarǵanymen, Tommazo Traversa esepti teńestirdi. Degenmen, qorytyndy jıyrma mınýttyq oıynda Roman Starchenko Qazaqstan quramasyn alǵa shyǵardy.
Osylaısha, Qazaqstan óz tobynda ekinshi orynda keledi. Al bul ornyn saqtap qalýy úshin Frantsııa Norvegııadan basym túsýi tıis. Qalaı desek te, Andreı Nazarov jattyqtyratyn bizdiń hokkeıshilerimiz Olımpıadaǵa bara almaıdy.
Italııa - Qazaqstan 2:3 (1:1, 1:1, 0:1)
Shaıbalar:
1:0 - 06:47 Skandello (Bernard, Insam). Teń quramda
1:1 - 08:51 Hýdıakov (Rymarev, Shın). basymdyqta +1
1:2 - 28:42 Bochenskı (Shınteń quramda
2:2 - 38:54 Traversa (Marchettı, Zanatta). basymdyqta +1
2:3 - 56:12 Starchenko (Trıasýnov). Teń quramda
Aıyp: 2:4 (2:0, 0:4, 0:0)
Soqqy: 14:21 (6:10, 4:8, 4:3).
