Qazaqstan hokkeıshileri halyqaralyq týrnırdi jeńispen bastady
NUR-SULTAN. QazAqparat - Búgin, 10 aqpanda elordada shaıbaly hokkeıden Qazaqstan Hockey Open-2021 týrnıri jalaýyn kóterdi. Alǵashqy oıynda Qazaqstan jáne Belarýs quramalary kezdesti, dep habarlaıdy QazAqparat tilshisi.
Aıta keteıik, dúbirli doda tuńǵysh márte ret ótkizilýde. Onda Qazaqstan, Reseı, Belarýs quramalary ózara baq synaıdy .
Búgingi kezdesýde qazaqstandyq hokkeıshiler jınaqy qımyl kórsetti. Alǵashqy eki kezeńde qarsylastar qaqpasyna tórt shaıba soǵyp ketti.
Birinshi kezeńniń 8-mınýtynda Egor Petýhov mergendigimen kózge tússe, arada on sekýnd ótkende Pavel Akolzın esepti ulǵaıttty.
Ekinshi kezeńde aldymen Kırıll Panıýkov 29-mınýtta qaqpany dál kózdese, 38-mınýtta Álıhan Ásetov kózdegen nysanadan múlt ketken joq.
Úshinshi kezeńde Belarýs quramasynan Ivan Drozdov 47, Evgenıı Nogachev 48-mınýtta qazaqstandyqtar qaqpasyna qos shaıba soǵyp ketti.
Al 49-mınýtta oǵan Kırıll Panıýkov bir shaıbamen jaýap berdi.
Osylaısha Qazaqstan quramasy Belarýsti 5:2 esebimen basym tústi.
Endi Qazaqstan quramasy 12 aqpanda Reseımen kezdesedi.
Al 11 aqpanda Qazaqstan men Reseı quramalary sheberlik baıqasady.
