Qazaqstan hokkeıshileri Danııa quramasynan basym tústi
ASTANA. QazAqparat - Hokkeıden Qazaqstannyń ulttyq quramasy Euro Ice Hockey Challenge týrnıri aıasynda Danııa quramasyn utyp, ekinshi jeńisine qol jetkizdi, dep habarlaıdy Vesti.kz.
Frantsııanyń Brıanson qalasynda ótip jatqan dodada Arı-Pekka Selınniń shákirtteri Danııa komandasyn 4:3 esebimen san soqtyrdy. Tartysty bastalǵan oıynnyń alǵashqy kezeńinde-aq jankúıerler 5 shaıbanyń soǵylǵandyǵyna kýá boldy. Onyń 3-eýin qarsylastar qaqpasyna Qazaqstan hokkeıshileri Roman Starchenko, Fedor Polışýk jáne Mıhaıl Panshın toǵytqan edi. Al barynsha tartysty ótken 2-shi kezeńde qarsylastar bir-birine qarymta shaıbasyn saldy. Qorytyndy kezeńde tas qamal qorǵanysqa kóshken komandalar esep asha almady. Osylaısha Qazaqstan sportshylary danııalyqtardan 4:3 esebimen basym tústi.
Esterińizge sala keteıik, keshe Arı-Pekka Selınniń shákirtteri Frantsııa komandasyn 4:2 esebimen tize búktirgen edi. Qazaqstandyqtardyń sapynan Evgenıı Gasnıkov, Roman Starchenko, Alekseı Lıtvınenko, Roman Savchenko gol avtorlary atandy.
Aıta keteıik, búgin Qazaqstan quramasy Germanııamen kezdesedi. Oıyn Astana ýaqyty boıynsha saǵat 21:00-de bastalady.
