Qazaqstan hokkeıden jastar arasyndaǵy álem chempıonatynda Slovenııadan basym tústi

ASTANA. KAZINFORM — Shaıbaly hokkeıden jastar arasyndaǵy álem chempıonatynyń IA dıvızıonyndaǵy ekinshi oıynynda Qazaqstan quramasy Slovenııamen kezdesti.

Match barysynda otandastarymyz birde bir shaıba, birde eki shaıba aıyrmasymen artta qalyp otyrdy.

Úshinshi kezeńde qazaqstandyqtar esepti 4:4 qylyp teńestire aldy. Al býllıt serııasynda Álisher Sárkenov dál soqqy jasap, ulttyq quramaǵa jeńis syılady. 

Osylaısha Qazaqstan quramasy Slovenııadaǵy álem chempıonatynda alǵashqy jeńisine qol jetkizdi.

10 jeltoqsanda Anton Vasınniń shákirtteri Frantsııa quramasyna qarsy oınaıdy.

Eske sala keteıik, buǵan deıin Qazaqstan hokkeı quramasynyń álem chempıonatyndaǵy oıyn kestesi jarııalanǵanyn jazǵanbyz.