Qazaqstan hokkeıden álem chempıonatyn ótkizbeıtin boldy

ASTANA. QazAqparat - 2023 jylǵy Halyqaralyq hokkeı federatsııasynyń (IIHF) jyl saıynǵy kongresi 2024 jylǵy hokkeıden álem chempıonaty baǵdarlamasynyń qalǵan týrnırlerin bekitýge, sondaı-aq 2027 jylǵy hokkeıden álem chempıonatyn ótkizetin eldi tańdaýǵa daýys berdi, dep habarlaıdy QazAqparat IIHF resmı saıtyna silteme jasap.

«IIHF delegattary eki ótinimniń birin tańdaýǵa májbúr boldy. Onyń biri – Germanııadan, ekinshisi – Qazaqstannan. Nátıjesinde bireýi ǵana jeńiske jetti. Eki eldiń senimdi prezentatsııasynan keıin barlyq delegat jasyryn daýys berdi. Germanııa jeńimpaz boldy!» – delingen habarlamada.

Qazaqstannyń alǵash ret týrnırdi qabyldaýǵa múmkindigi boldy. Alaıda nemister qomaqty qory bolǵandyqtan jeńiske jetip otyr.

Osylaısha, 102 daýys jınaǵan Germanııa 2027 jyly shaıbaly hokkeıden álem chempıonatyn ótkizý qurmetine ıe boldy.