Qazaqstan hokkeı quramasynyń álem chempıonatyna daıyndyq jospary jarııalandy
NUR-SULTAN. QazAqparat - Shaıbaly hokkeıden Qazaqstan quramasynyń Fınlıandııada ótetin álem chempıonatyna daıyndyq jospary jarııalandy, dep habarlaıdy QazAqparat tilshisi.
Aıta keteıik, 13-29 mamyr aralyǵynda Fınlıandııanyń Helsınkı jáne Tampere qalalarynda top-dıvızıondaǵy hokkeıden álem chempıonaty ótedi.
Qazaqstan quramasy A tobynda Danııa, Kanada, Germanııa, Shveıtsarııa, Slovakııa, Italııa jáne Frantsııamen sheberlik baıqasady.
Al V tobynda Fınlıandııa, AQSh, Chehııa, Shvetsııa, Latvııa, Norvegııa, Ulybrıtanııa jáne Avstrııa sheberlik baıqasady.
Ulttyq qurama elordadaǵy «Barys-Arenada» oqý-jattyǵý jıyndaryn 17 sáýirden bastady.
Endi 3 mamyrda el quramasy 29 hokkeıshiden turatyn keńeıtilgen quramda Rıgaǵa attanyp, onda álemdik birinshiligine daıyndyǵyn jalǵastyrady.
Al 8 jáne 9 mamyrda Latvııamen joldastyq kezdesý ótkizip, 10 mamyrda Fınlıandııa astanasy Helsınkıge jetedi.
Dúbirli dodadaǵy alǵashqy matchyn Qazaqstan quramasy 14 mamyrda Danııaǵa qarsy ótkizedi.
