Qazaqstan hokkeı quramasy «Nagano kýbogy - 2010 » halyqaralyq týrnıriniń jeńimpazy atandy
qpannyń 15-i. QazAqparat /Qanat Mámetqazyuly/ - Budan buryn da habarlaǵanymyzdaı shaıbaly hokkeıden Japonııadaǵy «Nagano kýbogy-2010» halyqaralyq týrnırine qatysqan Qazaqstan quramasy halyqaralyq doda barysynda úsh oıyn ótkizip, onyń ekeýin jeńispen aıaqtaǵan bolatyn.
Týrnırdiń jalpy qorytyndylyq jınaǵan upaı sany boıynsha Qazaqstan quramasy Nagano Kýbogyn ıelenip otyr, dep habarlaıdy QazAqparat.
Esterińizge sala keteıik, alǵashqy kezdesý barysynda Qazaqstan quramasy Danııany 2:1 esebimen utsa, ekinshi kezdesýde jerlesterimiz aıdyn ıeleri bolyp tabylatyn japondyqtardy 3:1 esebimen tize búktirgen bolatyn. Úshinshi, qorytyndy matchta Qazaqstan quramasy Slovenııalyq qarsylastaryna 1:4 esebimen ese jiberip alǵan edi. Alaıda osy matchpen qatar ótken oıynda Danııa quramasy Japonııany jeńip, úsh kezdesýdegi qorytyndy upaı sany boıynsha Qazaqstan hokkeıshileri týrnırdiń bas báıgesin qanjyǵasyna baılady.
Toqtala ketetin taǵy bir jaıt, atalǵan halyqaralyq týrınırdiń eń úzdik oıynshysy bolyp Qazaqstan quramasynyń jáne «Barys» klýbynyń shabýylshysy Vadım Krasnoslobodtsev tanyldy.
Qazaqstan quramasy úshin «Nagano kýbogy-2010» týrnırine qatysý aǵymdaǵy jyldyń mamyr aıynda Germanııada ótetin joǵary dıvızıondaǵy komandalar arasyndaǵy álem chempıonatyna daıyndyq satysy bolyp tabylady. Quramanyń bas bapkeri Andreı Shaıanovtyń aıtýynsha, komandanyń basty mindeti - Nagano kýbogyn jeńip alý. Al strategııalyq maqsat - qurama oıynshylarynyń basyn qosyp, olardyń álem chempıonaty aldyndaǵy daıyndyǵyn pysyqtaý.
