Qazaqstan hokkeı quramasynyń álem chempıonatyndaǵy oıyn kestesi jarııalandy

ASTANA. KAZINFORM - Halyqaralyq hokkeı federatsııasy birinshi dıvızıonnyń A tobyndaǵy oıyn kestesin jarııalady. 

Bul týrnır 2016 jyldyń 2-8 mamyr aralyǵynda Polshanyń Sosnovets qalasynda ótedi. Onda Qazaqstan, Frantsııa, Polsha, Ýkraına, Japonııa jáne Lıtva quramalary synǵa túsedi.

Otandastarymyz bıyl Shvetsııa men Danııada ótken álem chempıonatynda V tobynda sońǵy oryndy mise tutyp, elıtalyq dıvızıonnan túsip qaldy.

Qazaqstan quramasynyń qatysýymen ótetin oıyn kestesi:

2 mamyr. 19:00. Lıtva - Qazaqstan;

3 mamyr. 15:30. Qazaqstan - Japonııa;

5 mamyr. 22:30. Qazaqstan - Polsha;

7 mamyr. 19:00. Ýkraına - Qazaqstan;

8 mamyr. 15:30. Qazaqstan - Frantsııa.

Álem chempıonatynda Qazaqstan quramasy V tobynda oınap jatyr. 

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh (1:6), Shveıtsarııa (1:4) quramalaryna ese jiberdi.

Aıta ketsek, budan buryn Qazaqstan hokkeı quramasy ekinshi jyl qatarynan Azııa chempıony atandy.