Qazaqstan hokkeı quramasynyń 2027 jylǵy álem chempıonatyndaǵy qarsylastary kimder
ASTANA. KAZINFORM — Shaıbaly hokkeıden Qazaqstan quramasynyń 2027 jylǵy elıtalyq dıvızıondaǵy qarsylastary anyqtaldy.
Dúbirli doda aldaǵy jyldyń 14-30 mamyr aralyǵynda ótkiziledi.
Qazaqstandyq hokkeıshiler álem chempıonatynda V tobynda synǵa túsetin boldy.
Qarsylastary — Kanada, AQSh, Chehııa, Germanııa, Danııa, Norvegııa jáne Vengrııa.
A tobynda Shveıtsarııa, Fınlıandııa, Shvetsııa, Slovakııa, Latvııa, Aýstrııa, Slovenııa jáne Ýkraına sheberlik baıqasady.
Aıta ketsek, bıyl álem chempıonatynda Fınlıandııa quramasy fınalda overtaımnan keıin Shveıtsarııany 1:0 esebimen jeńdi.
Al úshinshi oryn overtaımda Kanadany 3:2 esebimen tize búktirgen Norvegııa quramasyna buıyrdy.
Bıyl elıtalyq dıvızıonnan Italııa men Ulybrıtanııa quramalary túsip qaldy. Olardyń ornyn birinshi dıvızıonda alǵashqy eki orynǵa ıe bolǵan Qazaqstan men Ýkraına quramalary ıe boldy.
Shaıbaly hokkeıden álem chempıonaty 1920 jyldan beri turaqty túrde ótkizilip keledi. Kanada — 28, Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 3, Ulybrıtanııa men Slovakııa 1 márte chempıondyq tuǵyrǵa kóterildi.
