Qazaqstan hokkeı quramasy joldastyq kezdesýde Slovenııadan basym tústi

Bul oıyn Polshanyń Tyhy qalasynda ótti.

Kezdesý barysynda slovenııalyq hokkeıshiler alǵashqy bolyp esep ashty. Bul goldy 35-mınýtta Mark Severdiń pasynan keıin Maı Krenkıch qaqpaǵa engizdi.

Oıynnyń 39-mınýtynda áriptesi Vsevolod Logvınniń pasyn qazaqstandyq Dmıtrıı Breýs golǵa aınaldyrdy. Al 58-mınýtta qazaqstandyq Roman Starchenko kezdesý núktesin qoıdy. Oǵan áriptesi Arkadıı Shestakov pas shyǵaryp berdi. Osylaısha otandastarymyz qarsylasynan 2:1 esebimen basym tústi.

Aıta ketsek, qazaqstandyq hokkeıshiler alǵashqy oqý-jattyǵý jıynyn 17 sáýirge deıin Astana qalasynda ótkizdi. Odan keıin Belarýste 26 sáýirge deıin daıyndyq júrgizdi.

Qazaqstan quramasynyń tizimi

Qaqpashylar: Nıkıta Boıarkın, Andreı Shýtov (ekeýi — «Barys», KHL), Vladıslav Nýrek («Gornıak», Rýdnyı);

Qorǵaýshylar: Ádil Beketaev, Dmıtrıı Breýs, Samat Danııar (barlyǵy — «Barys» KHL), Tamırlan Gaıtamırov, Artem Korolev, Beıbarys Orazov, Kırıll Nıkıtın (barlyǵy — «Nomad», Astana), Fedor Horoshev («Torpedo», Óskemen), Edýard Mıhaılov («Saryarqa», Qaraǵandy)

Shabýylshylar: Álıhan Ásetov, Dinmuhamed Qaıyrjan, Vsevolod Logvın, Álıhan Ómirbekov, Kırıll Panıýkov, Kırıll Savıtskıı, Semen Sımonov, Ańsar Shaıhmeddenov (barlyǵy — «Barys», KHL), Artýr Gatııatov, Kırıll Lıapýnov, Batyrlan Muratov, Roman Starchenko (barlyǵy — «Nomad», Astana), Arkadıı Shestakov («Admıral», KHL);

Qazaqstan quramasynyń oıyn kestesi

2 mamyr. Lıtva — Qazaqstan

3 mamyr. Qazaqstan — Japonııa

5 mamyr. Qazaqstan — Polsha

7 mamyr. Ýkraına — Qazaqstan

8 mamyr. Qazaqstan — Frantsııa.

Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkindik alsa, sońǵy oryndy mise tutqan qurama V tobyna túsip qalady.