Qazaqstan hokkeı quramasy ekinshi jyl qatarynan Azııa chempıony atandy

ASTANA. KAZINFORM — Qazaqstan quramasy shaıbaly hokkeıden Azııa chempıony atandy. Qazaqstandyq hokkeıshiler úshinshi kezdesýde Japonııamen sheberlik baıqasty.

Birinshi kezeńde qarsylastar bir-bir shaıbadan soqty. Ekinshi kezeńde otandastarymyz úsh gol engizip, óz qaqpasyna bir gol jiberip aldy. Úshinshi kezeńde japonııalyq hokkeıshiler bir shaıba engizdi.

Qazaqstan — Japonııa 4:3 (1; 1, 3:1, 0:1)

1:0 — Lıapýnov (Starchenko, Mýsorov) — 05:47
1:1 — Sýdzýkı (Ýshıo) — 18:22
2:1 — Starchenko (Mıhaılov, Mýsorov) — 21:37
2:2 — Sato (Ioneıama, Nakadjıma) — 24:52
3:2 — Borısevıch (Lıapýnov, Mýsorov) — 25:10
4:2 — Starchenko (Boıko, Mýratov) — 29:28
4:3 — Okýbo (Nakadjıma, Sato) — 55:21

Osylaısha qarsylasynan 4:3 esebimen basym túsken otandastarymyz Azııa chempıony atandy.

Aıta ketsek, budan buryn otandastarymyz Ońtústik Koreıany 4:2, Qytaıdy 5:1 esebimen jeńdi. 

Qurlyqtyq básekede Qazaqstan quramasy jańa bapkerler shtabymen baq synap jatyr. Ulttyq quramanyń bas bapkeri qyzmetine Qazaqstan hokkeıiniń ańyz oıynshylarynyń biri Talǵat Jaılaýov taǵaıyndaldy.

Qazaqstan quramasy

Qaqpashylar: Roman Kalmykov («Nomad»), Anton Osokın («Qulager»), Vladıslav Pestov («Torpedo»); 

Qorǵaýshylar: Stepan Aleksandrov, Vladımır Grebenşıkov («Torpedo»), Danıl Býtenko, Madı Dıhanbek, Kırıll Nıkıtın («Nomad»), Edýard Mıhaılov, Ivan Stepanenko («Saryarqa»), Beıbarys Orazov («Barys»).

Shabýylshylar: Oleg Boıko, Artýr Gatııatov, Dıas Gýseınov, Saıan Danııar, Aleksandr Mıgýnov (vse — «Nomad»), Aleksandr Borısevıch, Artem Lıhotnıkov («Saryarqa»), Maksım Mýsorov («Torpedo»), Roman Starchenko, Kırıll Lıapýnov, Batyrlan Muratov («Barys»), Denıs Chaporov («Arlan»);

Eske salsaq, 2024 jyly da Qazaqstan quramasy Azııa chempıony ataǵyn jeńip alǵan edi.