Qazaqstan hokkeı quramasy álem chempıonatyna daıyndyǵyn bastady
ASTANA. KAZINFORM - Shaıbaly hokkeıden Qazaqstan ulttyq quramasy Astana qalasynda álem chempıonatyna daıyndyq aıasynda alǵashqy oqý-jattyǵý jıynyn bastady.
Bul oqý-jattyǵý jıyny 17 sáýirge deıin sozylady. Odan keıin qazaqstandyq hokkeıshiler Belarýs astanasy Mınsk qalasyna attanady. Onda jergilikti komandalarmen joldastyq kezdesý josparlanǵan.
Al 26 sáýirde otandastarymyz Polshaǵa jetip, qorytyndy oqý-jattyǵý jıynyn ótkizedi. Olar álem chempıonaty IA dıvızıonyndaǵy oıyndarynda sol eldiń Sosnovets qalasynda 2-9 mamyr aralyǵynda synǵa túsedi. Qarsylastary - Frantsııa, Ýkraına, Japonııa, Polsha jáne Lıtva.
Qazaqstan quramasynyń oıyn kestesi
2 mamyr. Lıtva - Qazaqstan
3 mamyr. Qazaqstan - Japonııa
5 mamyr. Qazaqstan - Polsha
7 mamyr. Ýkraına - Qazaqstan
8 mamyr. Qazaqstan - Frantsııa.
Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkindik alsa, sońǵy oryndy mise tutqan qurama V tobyna túsip qalady.
Qazaqstan quramasy byltyr álem birinshiligin sátsiz ótkizdi. Jeti kezdesýdiń bireýinde basym tússe, qalǵanynda qarsylastaryna ese jiberip qoıdy.
Saldarynan birinshi lıgaǵa túsip qaldy. oǵan deıin bes jyl qatarynan elıtalyq dıvızıonda byq synaýǵa múmkindik alǵan edi.
