Qazaqstan hokkeı quramasy álem chempıonatyn jeńispen bastady
ASTANA. KAZINFORM — Shaıbaly hokkeıden Qazaqstan quramasy birinshi dıvızıonnyń A tobynda búgin alǵashqy oıynyn Lıtvaǵa qarsy ótkizdi.
Kezdesý barysynda otandastarymyz jaqsy oıyn órnegin kórsetti. Dese de birinshi kezeńde lıtvalyq hokkeıshiler alǵashqy bolyp esep ashty. Ekinshi kezeńde gol soǵylǵan joq. Sheshýshi kezeńde Qazaqstan quramasy qatarynan tórt shaıba soǵyp, álem birinshiligin sátti bastady.
Lıtva — Qazaqstan 1:4 (1:0, 0:0, 0:4)
1:0 — Bendjıýs (Gıntaýtas, Alıshaýskas) — 01:56
1:1 — Savıtskıı (Orazov, Beketaev) — 41:23
1:2 — Gatııatov (Ásetov) — 46:54
1:3 — Sımonov (Nıkıtın, Logvın) — 55:08
1:4 — Horoshev (Gatııatov, Shaıhmeddenov) — 58:17
Qaqpashylar: Naýseda — Shýtov.
Aldaǵy oıyndar kestesi
3 mamyr. 15:30. Qazaqstan — Japonııa
5 mamyr. 22:30. Qazaqstan — Polsha
7 mamyr. 19:00. Ýkraına — Qazaqstan
8 mamyr. 15:30. Qazaqstan — Frantsııa.
Osylaısha qazaqstandyq hokkeıshiler Lıtvany 4:1 esebimen basym túsip, týrnır kestesinde birinshi orynǵa kóterildi.
Aıta ketsek, qazaqstandyq hokkeıshiler alǵashqy oqý-jattyǵý jıynyn 17 sáýirge deıin Astana qalasynda ótkizdi. Odan keıin Belarýste 26 sáýirge deıin daıyndyq júrgizdi. Onda 25 sáýirde jergilikti «Dınamo-Molodechno» komandasynan 5:1 esebimen basym tústi.
Al 25 sáýirde joldastyq kezdesýde qazaqstandyq hokkeıshiler Slovenııa quramasyn 2:1 esebimen qapy qaldyrdy.
Qazaqstan quramasynyń tizimi
Qaqpashylar: Nıkıta Boıarkın, Andreı Shýtov (ekeýi — «Barys», KHL), Vladıslav Nýrek («Gornıak», Rýdnyı);
Qorǵaýshylar: Ádil Beketaev, Dmıtrıı Breýs, Samat Danııar (barlyǵy — «Barys» KHL), Tamırlan Gaıtamırov, Beıbarys Orazov, Kırıll Nıkıtın (barlyǵy — «Nomad», Astana), Fedor Horoshev («Torpedo», Óskemen), Edýard Mıhaılov («Saryarqa», Qaraǵandy);
Shabýylshylar: Álıhan Ásetov, Dinmuhamed Qaıyrjan, Vsevolod Logvın, Álıhan Ómirbekov, Kırıll Savıtskıı, Semen Sımonov, Ańsar Shaıhmeddenov (barlyǵy — «Barys», KHL), Artýr Gatııatov, Kırıll Lıapýnov, Batyrlan Muratov, Roman Starchenko (barlyǵy — «Nomad», Astana), Arkadıı Shestakov («Admıral», KHL);
Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkindik alsa, sońǵy oryndy mise tutqan qurama V tobyna túsip qalady.
