Qazaqstan hokkeı quramasy álem chempıonatyn sátti bastady

ASTANA. KAZINFORM — Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy alǵashqy oıynyn búgin Norvegııa quramasyna qarsy ótkizdi.

Kezdesý barysynda qarsylastar birden jyldam gol soǵýǵa tyrysty. Dese de ekeýi de mundaı múmkindikke qol jetkize alǵan joq. Keıbir sátte norvegııalyq hokkeıshilerdiń basymdyǵy baıqalyp turdy. Oǵan Qazaqstan quramasy laıyqty tótep bere bildi.

Oıynnyń 5-mınýtynda norvegııalyq Iohannes Iohannesen 5-mınýtynda esep ashyp ketti. Olar esepti ulǵaıtýǵa tyrysty. Esesine keıbir sátte qazaqstandyq hokkeıshiler tarazy basyn teńestiretin múmkindikti múlt jiberip aldy.

Ekinshi kezeńde qos qarsylas tartysty oıyn ótkizdi. Osyndaı sáttiń birinde Qazaqstan quramasynyń kapıtany Roman Starchenko 25-mınýtta kózdegen nysanadan múlt ketken joq. 
Oıynnyń 52-mınýtynda el quramasynan Vladımır Volkov qorytyndy esepti belgiledi.

Osylaısha Qazaqstan quraamsy qarsylasynan 2:1 esebimen basym túsip, álem chempıonatyndaǵy alǵashqy jeńisine qol jetkizdi.

Eki qurama qazirge deıin bes márte kezdesti. Onyń ekeýinde qazaqstandyq hokkeıshiler jeńiske jetse, qalǵanynda qarsylasyna ese jiberdi.

El quramasy dúbirli dodaǵa bıyl 13 márte qatysyp otyr. Ázirge eń joǵary kórsetkishi — 2021 jylǵy onynshy oryn.

Álem chempıonatynda Qazaqstan quramasy V tobynda oınaıdy.

Qarsylastary — Fınlıandııa, Chehııa, AQSh, Germanııa, Danııa, Norvegııa jáne Majarstan.

Oıyndar Danııanyń Hernıng qalasynda bolady.

Endi qazaqstandyq hokkeıshiler aldaǵy oıynyn 11 mamyrda saǵat 19:20–da Germanııaǵa qarsy ótkizedi.