Qazaqstan hokkeı quramasy 2027 jyly álem chempıonatyn qaı qalada ótkizedi
ASTANA. KAZINFORM — Shaıbaly hokkeıden Qazaqstan quramasy 2027 jylǵy elıtalyq dıvızıondaǵy álem chempıonatynda qaı stadıonda ótkizetini belgili boldy.
Halyqaralyq hokkeı federatsııasy A jáne V tobyndaǵy oıyndardyń qaı qalada bolatynyn resmı túrde jarııalady. V tobyndaǵy matchtar Dıýsseldorf qalasyna josparlanǵan. Onda «PSD Bank Doým» arenasynda otandastarymyz Kanada, AQSh, Chehııa, Slovakııa, Danııa, Norvegııa jáne Vengrııamen sheberlik aıqasady. Bul arena 13 400 jankúıerdi qabyldaı alady.
Al A tobyndaǵy Mangeım qalasyndaǵy 13 600 jankúıerge arnalǵan «SAP Arena» stadıonynda ótkizilip, onda Shveıtsarııa, Shvetsııa, Fınlıandııa, Germanııa, Latvııa, Aýstrııa, Slovenııa jáne Ýkraına kezdesedi.
Bıyl elıtalyq dıvızıonnan Italııa men Ulybrıtanııa quramalary túsip qaldy. Olardyń ornyn birinshi dıvızıonda alǵashqy eki orynǵa ıe bolǵan Qazaqstan men Ýkraına quramalary ıe boldy.
Shaıbaly hokkeıden álem chempıonaty 1920 jyldan beri turaqty túrde ótkizilip keledi. Kanada — 28, Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 3, Ulybrıtanııa men Slovakııa 1 márte chempıondyq tuǵyrǵa kóterildi.
