Qazaqstan Hokkeı federatsııasynyń keńsesinde jattyqtyrýshylardyń kezekti jıyny ótti
ASTANA. Maýsymnyń 8-i. QazAqparat - Búgin Qazaqstan Hokkeı federatsııasynyń keńsesinde elimizdiń hokkeı klýbtary basshylarynyń qatysýymen, balalar men jasóspirimder sport mektebi hokkeı bólimderiniń, sondaı-aq jattyqtyrýshylar keńesiniń kezekti jıyny bolyp ótti,
dep habarlaıdy QazAqparat.
Jıyn barysynda jasóspirimder arasyndaǵy chempıonattyń qorytyndylary shyǵarylyp, reglamentke engiziletin ózgerister men tolyqtyrýlar jaıy talqyǵa salyndy. Sonyń ishinde tapsyrys qujattarynyń jańa talaptaryna basa nazar aýdaryldy. Toqtala ketetin jaıt, jasóspirimder komandalary arasyndaǵy 2010-2011 jyldary chempıonattyń úsh týry segiz jas erekshelik toptary boıynsha ótedi. Sonymen birge, jıyn barysynda jasóspirimder arasyndaǵy alǵashqy týrdyń matchtary ótetin qalalar da aıqyndaldy. Jańa quramda shaqyrylǵan jattyqtyrýshylar keńesinde jalpy barlyq qurama komandalardyń oıyndar qorytyndysy týraly sóz boldy. Sondaı-aq, hokkeı klýbtarynyń basshylary Qazaqstan Respýblıkasy erler arasyndaǵy joǵary lıga komandalarynyń ashyq chempıonatyn ótkizý qurylymdary men reglamentin talqylady.
