Qazaqstan hırýrgııalyq ınnovatsııalar jaǵynan úzdik 22 eldiń qatarynda

ASTANA. QazAqparat - Astanada 27-shi Dúnıejúzilik kardıovaskýlıarlyq jáne torakaldyq hırýrgtar qaýymdastyǵynyń kongresi ótedi. 1-3 qyrkúıek aralyǵynda álemniń 30 elinen bir myńnan astam kásibı maman keledi dep kútilýde. Bul týraly búgin Ortalyq kommýnıkatsııalar qyzmetinde 27-shi Dúnıejúzilik kardıovaskýlıarlyq jáne torakaldyq hırýrgtar qaýymdastyǵynyń kongresine arnalǵan baspasóz konferentsııada QR Densaýlyq saqtaý vıtse-mınıstri Lázzat Aqtaeva jáne «Ulttyq ǵylymı kardıohırýrgııa ortalyǵy» AQ Basqarma tóraǵasy  ıÝrıı Pıa málimdedi, dep habarlaıdy QazAqparat ortcom.kz saıtyna silteme jasap.

Qazaqstannyń klınıkalary tehnıkalyq jaraqtandyrylý jáne medıtsınalyq jańashyldyqtar jaǵynan batys emhanalarynan qalys qalmaıdy. Ulttyq ǵylymı kardıologııa ortalyǵynda júrektiń jasandy sol jaq qarynshasyn iske qosýǵa múmkindik beretin tehnologııa engizildi.

«Qazaqstan medıtsınasy hırýrgııa salasyndaǵy bul ınnovatsııalyq tásildi qoldanatyn álemniń úzdik 22 memleketine kiredi. Sonyń ishinde júrektiń jasandy sol jaq qalqanshasy tehnologııasy Ulttyq ǵylymı kardıohırýrgııa ortalyǵynda qoldanylady»,- dedi vıtse-mınıstr Lázzat Aqtaeva.

Búgingi tańda bul ınnovatsııalyq tehnologııanyń atalǵan ortalyqta 208 qurylǵysy jumys isteıdi. Baspasóz jıynynda Eýrazııa óńiri boıynsha densaýlyq saqtaý salasyndaǵy halyqaralyq is-sharany ótkizý quqyǵyna Qazaqstan ǵana ıe ekeni belgili boldy. WSCTS Dúnıejúzilik qoǵamdastyǵy 1990 jyly qurylyp, onyń birinshi májilisi 1991 jyly Taılandtyń Chıangamaı qalasynda ótken. Búginge deıin álemniń túrli elderinde qaýymdastyqtyń jyl saıynǵy 26 kezdesýi ótkizildi.