Qazaqstan - HHІ ǵasyrdyń beıbitshil, bitimger memleketine aınaldy - Vılen Molotov-Lýchanskıı

ASTANA. 27 sáýir. QazAqparat - Elbasy Nursultan Ábishulynyń basshylyǵyndaǵy Qazaqstan - HHІ ǵasyrdyń beıbitshil, bitimger memleketine aınaldy.

Búgin QR Prezıdenti, Assambleıa Tóraǵasy Nursultan Nazarbaevtyń qatysýymen ótken Qazaqstan halqy Assambleıasynyń HІH sessııasy barysynda sóz sóılegen QHA múshesi Vılen Molotov-Lýchanskıı osylaı málim etti.

Sóz arasynda Assambleıa múshesi Qazaqstan ultaralyq tatýlyq máselesinde álemge úlgi bolarlyq el ekendigin aıtyp, oǵan naqty mysaldardy alǵa tartty. Máselen, onyń aıtýynsha, sońǵy 70 jylda jer sharynyń ártúrli núktelerinde 150 iri qarýly qaqtyǵystar oryn alǵan eken. Onyń 127-isi ulttyq sıpatta boldy.

«Al etnologtardyń málimetterine súıensek, álemde 5 myńǵa tarta etnıkalyq toptar qaýipti qaqtyǵystar aýmaǵynda tur. 300 myń jasóspirim-soldat jyl saıyn soǵys qımyldaryna qatysady. Mynany qarańyz: Qazaqstanda jyl saıyn mıllıondaǵan put astyq qambaǵa quıylady. Al álemde jahandyq azyq-túlik daǵdarysy tereńdep keledi.  Kún saıyn jer sharynda 1 mlrd.-qa tarta adam ash qalady. Kóptegen elderde óndiris toqtap jatyr. Al bizde tek sońǵy 2 jylda 400-ge tarta ındýstrııalyq jańa jobalar iske qosyldy. Sóıtip, Memleket basshysy Nursultan Ábishulynyń basshylyǵyndaǵy Qazaqstan - HHІ ǵasyrdyń beıbitshil, bitimger memleketke aınaldy», - dedi Vılen Molotov-Lýchanskıı.