Qazaqstan Haınan týrıstik baǵyty boıynsha úzdik úshtikke kirdi
ASTANA. KAZINFORM — Osy jyldyń toǵyz aıynda Qytaıdyń ońtústigindegi Haınan provıntsııasyna 980 myń sheteldik týrıst kelgen. Kelýshiler arasynda ásirese Qazaqstan, Reseı jáne Koreıa Respýblıkasynyń azamattary kóp, dep habarlaıdy Sınhýa.
Aralǵa kelgen týrıstik trafık ótken jyldyń sáıkes kezeńimen salystyrǵanda 46,3 paıyzǵa artty. Bılik qyzyǵýshylyqtyń artýy vızasyz saıasatty ońtaılandyrýmen baılanystyrady.
Qazir 86 eldiń azamaty Haınanǵa vızasyz bara alady. Jyl basynan beri bul artyqshylyqty 395 myń týrıst paıdalandy, bul sheteldik kelýshilerdiń jalpy sanynyń 88,8 paıyzyn quraıdy.
Sanıa qalasy — aımaqtyń negizgi kýrorttyq ortalyǵy. Haıkoý qalalyq port basqarmasynyń málimeti boıynsha, jyl basynan beri tek Sanıa áýe porty arqyly 570 myń sheteldik saıahatshy shekaradan ótken.
Jolaýshylar tasymalynyń ósýine baılanysty shekara jáne keden qyzmetteri, sondaı-aq Haınan provıntsııasynyń basqa da mekemeleri kedendik rásimdeý tıimdiligin arttyrý sharalaryn qabyldady.
Buǵan deıin Qazaqstanǵa 7,5 mıllıon sheteldik saıahattap kelgenin jazǵanbyz.
