«Qazaqstan hanymy-2011» baıqaýynyń aqtyq kezeńi erteń Astanada ótedi
ASTANA. 13 qyrkúıek. QazAqparat /Gúlmıra Alıakparova/ - «Qazaqstan hanymy-2011» ІІІ Ulttyq baıqaýynyń grand-fınaly erteń, 14 qyrkúıek kúni Astanadaǵy «Qazaqstan» ortalyq kontsert zalynda ótedi. Bul týraly is-sharany uıymdastyrý komıtetinen habarlady.
Grand-fınalda ústimizdegi jyly Qazaqstannyń toǵyz óńirinde: Astana, Almaty, Aqtóbe, Qaraǵandy, Qyzylorda, Petropavl, Semeı, Taldyqorǵan jáne Qostanaıda ótken irikteý baıqaýlarynyń jeńimpazdary baq synaıdy.
«Qazaqstan hanymy» baıqaýyna qatysýdyń birden-bir sharty - otbasynda balalardyń bolýy.
Aqtyq saıystyń jeńimpazy «Álem hanymy - 2011» baıqaýynda Qazaqstan atynan synǵa túsetin bolady. «Álem hanymy» turmys qurǵan, jasy 30-ǵa tolmaǵan kelinshekterge arnalǵan jalǵyz saıys. 1977 jyldan beri turaqty túrde ótkizilip kele jatqan halyqaralyq baıqaýǵa jyl saıyn álemniń 80-nen astam ókili qatysady.
Málim bolǵandaı, óńirlerde ótken irikteý kezeńderi men baıqaýdyń grand-fınalyna bıletterdiń satylymynan túsken qarajattar jetim balalar men ata-ananyń qamqorlyǵynsyz qalǵan balalarǵa joldanady.
«Qazaqstan hanymy» baıqaýy alǵash ret 2008 jyly ótti.
