«Qazaqstan hanymy - 2010» ataǵynyń ıegeri G.Álimgereıdiń kóılegi aýktsıonǵa shyǵarylady
ASTANA. 17 mamyr. QazAqparat - «Qazaqstan hanymy - 2010» baıqaýynyń jeńimpazy Gúlnaz Álimgereıdiń kóılegi jaqynda qaıyrymdylyq aýktsıonyna shyǵarylady.
Álimgereıdiń halyqaralyq sulýlyq baıqaýynyń aqtyq kezeńine kıgen kóılekten túsken barlyq qarajat múmkindikteri shekteýli balalardy emdeýge joldanady. Bul týraly óziniń «Narıad korolevy ýıdet s molotka» atty maqalasynda (2012 jylǵy 17 mamyr, № 86 (17444) sagy) «Ekspress K»gazetiniń jýrnalısti Tatıana Aladına jazady.
«Álem hanymy» jobasyna arnaıy tigilgen qyzyl kóılektiń dızaıneri Aıgúl Qasymova. Gúlnaz Álimgereı kóılekti sahnaǵa kıip shyqqanda, zalda otyrǵandar arasynda masattanǵan sybystar júrip ótti. Symbatty ári ádemi qazaqstandyq boıjetken ádil qazylar alqasy men kesh qonaqtaryn erekshe áserde qaldyrdy. Ókinishke qaraı, Gúlnaz jeńimpaz tájin ıelene almady, biraq aqtyq kezeńge shyqqan jıyrma qatysýshynyń (baıqaýǵa júldeli oryndar men ǵalamnyń birinshi sulýy ataǵy úshin 113 eldiń áıelderi qatysty) qataryna engenin úlken jetistik dep sanaıdy.
Saýda 3 maýsym kúni Favor Fish meıramhanasynda ótkiziledi. Barlyq qarajat tolyq mólsherde «Dara» qaıyrymdylyq qoryna jiberiledi.
