Qazaqstan Halyqaralyq sýdıalar qaýymdastyǵynyń tolyqqandy múshesi atandy - QR Joǵarǵy Sot tóraǵasy
TANA. 8 qyrkúıek. QazAqparat /Jasulan Amanbaıuly/ - Qazaqstan Halyqaralyq sýdıalar qaýymdastyǵynyń músheligine qabyldandy. Bul týraly búgin elordada Joǵarǵy Sot tóraǵasy Bektas Beknazarov málim etti.
«Jańa ǵana Túrkııanyń Ystambul qalasynda Halyqaralyq sýdıalar qaýymdastyǵynyń jıynynda daýys berý aıaqtaldy. Sizderge belgili, Halyqaralyq sýdıalar qaýymdastyǵyna 4 aımaqtyq topqa bólingen 77 eldiń ulttyq qaýymdastyqtary kiredi. Endi mine, Qazaqstannyń sýdıalar odaǵy Halyqaralyq sýdıalar qaýymdastyǵynyń tolyqqandy múshesi atandy, biz bul bıikke kóp jyldar boıy talpyndyq jáne jettik», - dedi B. Beknazarov.
«Álem Qazaqstannyń sot júıesiniń qalyptasqandyǵyn moıyndady», - dep atap ótti ol.
