Qazaqstan halyqaralyq poshtashylar forýmyn qabyldaıdy
ALMATY. 1 sáýir. QazAqparat /Ádilet Musahaev/ - Búgin Almaty qalasynda Dúnıejúzilik poshta odaǵynyń basshylyǵymen TMD elderi poshta qyzmetteriniń halyqaralyq forýmy ótip jatyr.
Qazaqstannyń 20 jyldyq táýelsizdigin merekeleýge baılanysty is-sharalar sheńberinde ótip jatqan forýmnyń maqsaty qarym-qatynasty kúsheıtý, TMD elderiniń poshta ákimshilikteri arasynda iskerlik yntymaqtastyqty retke keltirý, sapa standarttaryn úndestirý sharalary keshenin daıyndaý.
"Bıyl óz táýelsizdiginiń 20 jyldyǵyn atpa ótkeli otyrǵan Qazaqstan sııaqty Baılanys salasyndaǵy aımaqtyq dostastyq (BAD) uıymyna da 20 jyl tolyp otyr. BAD-tyń uzaq ýaqyttan beri jumys istep kele jatqandyǵy - bul uıymnyń tıimdi ári qajet ekendigin kórsetip otyr. Biz osy uıym múshesi ekendigimizdi maqtan tutamyz", -deıdi BAD poshta baılanysy operatorlar keńesiniń tóraǵasy, "Qazpochta" AQ basqarma tóraǵasynyń mindetin atqarýshy Salaýat Sherıazdanov.
Sonymen qatar ol 21-23 maýsymda Sankt-Peterbor qalasynda ótetin "Poshtalyq úshtik-2011" kórmesine Qazaqstan da qatysýǵa tyrysatyndyǵyn jetkizdi.
Shara barysynda poshta salasyndaǵy jańa tehnologııalardy paıdalaný, baılanys salasyndaǵy aımaqtyq dostastyq sheńberinde jedel poshta júıesin qurý tujyrymdamasyn ázirleý, poshta markalarynyń birlesken shyǵarylymyn basyp shyǵarý máseleleri talqylandy.
Qazaqstan poshta ákimshiligi halyqaralyq yntymaqtastyqta baı tájirıbege ıe. Sońǵy 20 jyl ishinde Qazpochta qyzmetiniń sapasy poshta jelisiniń timdiligin kóterý, poshtalyq qarjy qyzmetin nyǵaıtý bolyp tabylatyn uıymdardyń, baılanys salasyndaǵy aımaqtyq dostastyqtyń quramyna enedi. 1999 jyly Qazpochta EMS - jedel poshta kooperatıvine qabyldandy, al 2010 jyly kórsetiletin qyzmetter sapasynyń kórsetkishteri boıynsha "Altyn deńgeı" sertıfıkatyn alǵan. "Altyn deńgeı" joǵarǵy mártebesine álemniń 203 elinen 13 memleket ıe, Ońtústik Koreıa, Shveıtsarııa, Japonııa, Portýgalııa, Irlandııa, Avstralııa, Ulybrıtanııa sııaqty elder qatarynda Qazaqstan 11-shi orynda eken.
Halyqaralyq forýmǵa dúnıejúzilik poshta odaǵynyń, BAD, QR Baılanys jáne aqparat mınıstrliginiń, baılanys ákimshiligi jáne TMD elderi poshta baılanysynyń ulttyq operatorlary, "Qazpochta" AQ basshylyǵy qatysty.
