Qazaqstan halyqaralyq qaýymdastyqta qarqyndy damyp kele jatqan memleket retinde abyroıly orynǵa ıe boldy
Búgin Qazaqstan Konstıtýtsııasy kúni merekesine oraı Astanadaǵy Beıbitshilik jáne kelisim saraıynda ótip jatqan «Konstıtýtsııa - qoǵam men memleketti áleýmettik jańǵyrtýdyń negizi» atty halyqaralyq ǵylymı-tájirıbelik konferentsııa barysynda sóz sóılegen Qazaqstan Respýblıkasyndaǵy Adam quqyqtary jónindegi ýákil Asqar Shákirov osyndaı pikir bildirdi.
Onyń paıymynsha, 1995 jyly Ata zańymyz qabyldanǵan kezden bastap eldiń áleýmettik-ekonomıkalyq jáne mádenı áleýetiniń negizi qalandy. Qoǵamǵa adam quqyqtary týraly irgeli halyqaralyq qujattardan qamtylǵan quqyqtardyń búkil spektry endi. Respýblıkada táýelsizdik jyldary memlekettilik pen ekonomıka nyǵaıdy. Halyqtyń ál-aýqaty ósti. «Ultaralyq kelisimdi saqtaý úshin jaǵdaı jasaldy. Elimiz halyqaralyq qaýymdastyqqa nyq kirdi. Onda qarqyndy damyp kele jatqan memleket retinde abyroıly orynǵa ıe boldy», - dedi ol.
Sondaı-aq óz sózinde Memleket basshysynyń sońǵy baǵdarlamalyq maqalasyna keńinen toqtalǵan A.Shákirov: «Búginde Elbasy qoıǵan «Qazaqstandy áleýmettik jańǵyrtý: Jalpyǵa Ortaq Eńbek qoǵamyna 20 qadam» baǵdarlamalyq qujaty eldi ındýstrıaldy-ınnovatsııalyq damytýdyń memlekettik baǵdarlamasyn, ózge de aýqymdy jobalardy iske asyrý adamnyń quqyqtary týraly jáne kótermeleý máselelerinde memlekettik qyzmeti kúsheıtýge jan-jaqty yqpal etýge baǵyttalady», - dedi.
