Qazaqstan Halyqaralyq qarjy ortalyǵyn qurýda joǵary áleýetke ıe - Mark Bıır
«Biz Qazaqstanǵa sottar jumysynyń úzdik halyqaralyq tájirıbesin alyp kelemiz. Sebebi, qazirgi kezde óz elińde úzdik ataný jetkiliksiz, ıaǵnı álemdik deńgeıde aldyńǵy qatarda bolýǵa talpyný kerek. Menińshe, Eýrazııany tanystyra alatyndaı osynda halyqaralyq qarjy ortalyǵynyń bolýy úshin Qazaqstan joǵary áleýetke ıe. Ózderińiz bilesizder, bundaı ortalyqtar Nıý-Iorkte, Sıngapýrda, Londonda bar. Osyndaı qarjy ortalyqtary tek bir qala nemese el úshin ǵana emes, olar barsha óńirge qajet. Ortalyqtar óńirdiń múddesin qorǵaýǵa kerek. Atap aıtqanda, Eýrazııa múddesin qorǵaıtyn qarjy ortalyǵy búginde joq, osy oraıda bundaı ortalyqty qurý úshin Qazaqstan óte joǵary áleýetke ıe»,-dedi M. Bıır.
Mark Bıır Dýbaı Halyqaralyq qarjy ortalyǵy sottarynyń tirkeýshisi, Sot ákimshiligi boıynsha halyqaralyq qaýymdastyqtyń prezıdenti bolyp tabylady.
Aıta ketsek, búgin Joǵarǵy Sotta Qaırat Mámıdiń tóraǵalyǵymen Qazaqstan Respýblıkasy Joǵarǵy Sotynyń janyndaǵy Halyqaralyq keńestiń birinshi otyrysy bolyp ótti. Otyrystyń kún tártibine sáıkes, ınvestıtsııalyq daýlar uǵymdaryn anyqtaýdyń tásilderi, sondaı-aq Qazaqstan Respýblıkasy sýdıalarynyń minez-qulyq qaǵıdattary men qaǵıdalary ádep kodeksiniń jańa jobasy talqylandy.
QR Joǵarǵy soty janynan Halyqaralyq keńesti qurý «100 naqty qadam» Ult josparynyń 25-qadamyn júzege asyrý aıasynda qamtylǵan. «Sheteldik jáne halyqaralyq sottardyń úzdik standarttary boıynsha sot isterin júrgizýdi qamtamasyz etý úshin Joǵarǵy Sot janynan bedeldi sheteldik sýdıalar men zańgerler qatysatyn halyqaralyq keńes qurý. Keńes qazaqstandyq sot júıesin jetildirý máseleleri boıynsha Joǵarǵy Sotqa keńes berip otyrady»,-delingen Ult josparynda.
Halyqaralyq keńes týraly erejeni 2016 jyldyń 15 qańtarynda Joǵarǵy Sot qaýlysymen bekitti. Keńes quramyna qazaqstandyq ǵalymdarmen qatar, shet elderdiń bedeldi zańgerleri endi.
