Qazaqstan halyqaralyq ınnovatsııalar baıqaýynda jeńimpaz atandy
«Biz halyqaralyq «Jyldyń sapaly ınnovatsııasy» baıqaýynda startaptar men mıkro-bıznes nomınatsııasynda jeńimpaz (Prize Winner) atanyp, Qytaıdy, Reseıdi jáne kóptegen elderdi basyp ozdyq», - dep jazdy T. Ryspekov.
The best quality innovation of the year – 2007 jyly Fınlıandııa bastamasymen qurylǵan jyl saıynǵy halyqaralyq ınnovatsııalyq baıqaý. Baıqaýǵa Eýrazııanyń 25-ten astam iri elderi qatysady. Onda úzdik ınnovatsııalar krıterııler boıynsha ulttyq kezeńnen ótip, Eýropa elderiniń táýelsiz sarapshylary engen halyqaralyq ádil qazylar alqasynyń baǵalaýynan ótedi.
«Halyqaralyq qazylar alqasy iriktegen baıqaý jeńimpazdarynyń sertıfıkattaryna Fınlıandııa prezıdenti qol qoıady. Bul qatysýshylardyń joǵary quzyrettilikteriniń moıyndalǵanyn bildiredi», - dep jazdy ol.
T. Ryspekov – 21 jastaǵy jas qazaqstandyq ǵalym. Fızıka, ınformatıka, matematıka salasynda 28-den astam patent alǵan jáne Big Data zertteýlerimen aınalysady.
