Qazaqstan Halyqaralyq bıologııalyq qaýipsizdik agenttigin qurý bastamasyn qoldaýǵa shaqyrdy
Bul týraly Qazaqstannyń Syrtqy ister mınıstriniń birinshi orynbasary Qaırat Omarov Bakýdegi Qosylmaý qozǵalysy (QQ) úılestirý bıýrosynyń mınıstrler otyrysynda málimdedi, dep habarlaıdy QazAqparattyń menshikti tilshisi.
«Búgingi kúni jahan qaýipsizdigine qaýip tóndirýi múmkin bıologııalyq qaýipsizdik máselesin sheshý – Birikken Ulttar Uıymynyń keıinge qaldyrýǵa bolmaıtyn máselesi. Qazaqstan 2020 jyldan beri Bakterııalyq (bıologııalyq) jáne ýly qarýǵa tyıym salý týraly konventsııany basshylyqqa alatyn Halyqaralyq bıologııalyq qaýipsizdik agenttigin qurý bastamasyn kóterip keledi», - dep málimdedi mınıstrdiń orynbasary «Qosylmaý qozǵalysy: aldaǵy qıyndyqtarǵa birge jáne myzǵymaı qarsy turamyz» taqyrybyna arnalǵan kezdesý barysynda.
Dıplomattyń sózinshe, Agenttik kontseptsııasy – bolashaqta bolýy múmkin COVID-19 syndy pandemııalarǵa qarsy kúresý.
Sonymen qatar, ol QR negizgi mindeti – Agenttik áleýetin arttyrý, tájirıbe almasý jáne bıotehnologııany qaýipsiz tabystaýda damýshy elderdiń qajetin qamtamasyz etý ekenin atap ótti.
Qaırat Omarov QQ-nyń ıadrolyq qarýsyzdandyrýda aınymas kózqarasyn atap ótip, qatysýshy delegatsııalardy bıyl BUU Bas Assambleıasynyń 78-shi sessııasy aıasynda qabyldanatyn Semeı óńirin qalpyna keltirý týraly 11-shi rezolıýtsııa avtorlarynyń biri bolýǵa jáne qoldaýǵa shaqyrdy.
Dıplomat bolashaqta bolatyn irkilister men turaqty, ádil jáne tegis qamtıtyn qalypqa keltirý protsesterinde turaqtylyq kerek ekenin aıtty.
«Sol sebepti Memleket basshysy Almatyda Ortalyq Azııa men Aýǵanstannyń turaqty damýy boıynsha BUU-nyń pılottyq aımaqtyq ortalyǵyn qurýdy usyndy. Ortalyq 2030 jylǵa deıin kún tártibin júzege asyrýdy jedeldetýge jáne álsiz elderdiń ekonomıkalyq damýyna kómektesedi, dep atap ótti Qaırat Omarov.
Mınıstrdiń orynbasary Qaırat Omarov pen Ázerbaıjandaǵy Qazaqstan elshisi Álim Baıel ÁR Prezıdentiniń ishki saıasat boıynsha kómekshisi Hıkmet Gadjıevpen kezdesti. Taraptar ekijaqty seriktestik jáne halyqaralyq alańdardaǵy ózara is-qımyl máselelerin talqylady. Barlyq halyqaralyq jáne óńirlik uıymdar aıasynda eki eldiń kózqarasy jaqyn ekeni atap ótildi.
Qosylmaý qozǵalysy – álemniń 120 memleketi qosylǵan, soǵys bloktaryna qatyspaý qaǵıdattaryna negizdelgen BUU aıasyndaǵy iri halyqaralyq qurylym.
QQ maqsaty - qazirgi jáne bolashaqta bolýy múmkin klımattyń ózgerýi, terrorızm, zorlyqpen bolǵan ekstremızm jáne kıberqaýipsizdik syndy máselelermen kúresý.
Qazaqstan 18 memleketpen birge QQ-da baqylaýshy el qatarynda tur.
Avtor: Serıkbol Koshmaganbetov
