Qazaqstan halyqaralyq áýe reısterdiń sanyn qysqartady
NUR-SULTAN. QazAqparat – Qazaqstan 26 qazannan bastap koronavırýsqa qatysty ahýaly nashar elderge áýe reısterin qysqartady, dep habarlaıdy QazAqparat Úkimet janyndaǵy vedomstvoaralyq komıssııaǵa silteme jasap.
Komıssııanyń búgingi sheshimine sáıkes, el óńirlerindegi shekaradan ótkizý pýnkterinde sanıtarlyq-epıdemıologııalyq baqylaý kúsheıtiledi.
Budan bólek, 26 qazannan bastap shet elderdegi epıdemıologııalyq ahýaldy eskerýmen shetelge ushatyn áýe reısteriniń sany qysqartylady.
Sondaı-aq, Qazaqstan aýmaǵyna kelgenderdiń barlyǵy (sonyń ishinde QR azamattary), sonyń ishinde ekijaqty halyqaralyq tasymaldardy júzege asyratyn júrgizýshiler mindetti PTR-testileýden ótedi.
Málim etilgendeı, shetelden kelýshilerge, onyń ishinde QR azamattary úshin koronavırýsqa PTR-testileýden ótkeni týraly anyqtamanyń jaramdylyq merzimi 3 kúnge deıin belgilendi.
