Qazaqstan Halyq partııasynyń ókilderi ShQO men Jambyl oblysyna bardy

ÓSKEMEN. QazAqparat – Parlament Májilisiniń depýtattyǵyna Qazaqstan Halyq partııasynyń atynan kandıdattar Óskemen turǵyndarymen kezdesip, Jambyl oblysyna bardy, dep habalaıdy QazAqparat.

22 jeltoqsanda QHP atynan QR Parlamenti Májilisiniń depýtattyǵyna kandıdattar Irına Smırnova men Jambyl Ahmetbekov Óskemen qalasyndaǵy Qarjy-ekonomıkalyq kolledjdiń ujymymen jáne oqýshylarymen kezdesý ótkizdi.

Kún tártibine jas otbasylardy qoljetimdi ıpotekamen qoldaý máselesi qoıyldy.

Buǵan qosa, Parlament Májilisiniń depýtattyǵyna Qazaqstan Halyq partııasynyń atynan kandıdattar Jambyl oblysyna bardy. Onda Tarazdaǵy 2019 jyldyń 27 aqpanynda jarylys bolǵan turǵyn úı turǵyndarymen kezdesý ótti. Úsh páter túgeldeı qırap, 4 adam qaıtys boldy.

Úı turǵyndary ákimdik ókilderiniń páterlerdi qalpyna keltirýdi moınyna alǵanyn jetkizdi. Alaıda páterlerge júrgizilgen jóndeý jumystarynyń sapasy nashar.

Partııa ókilderi sonymen qatar Shymkent 11 kóshesindegi apatty jaǵdaıda turǵan úıde boldy. Munda zeınetkerler men kópbalaly otbasylar turady.