Qazaqstan Halyq partııasynyń elorda fılıalynda jastardyń turǵyn úı máseleleri talqylandy

NUR-SULTAN. KazAqparat – Qazaqstan Halyq partııasynyń Astana qalalyq fılıalynda «Jastarǵa arnalǵan qoljetimdi baspana» taqyrybynda qoǵamdyq tyńdaý ótti. Іs-sharany QHP Astana qalalyq komıtetiniń Jastar qanaty uıymdastyrdy, dep habarlaıdy QazAqparat.

Qoǵamdyq tyńdaýǵa qatysýshylar jastarǵa arnalǵan qoljetimdi baspana memlekettik baǵdarlamasyn júzege asyrýdaǵy túıtkildi máselelerdi qarastyrdy.

Atap aıtqanda, QHP respýblıkalyq saılaýaldy shtabynyń tóraǵasy Oljas Syzdyqov jalaqymen ǵana shektelip otyrǵan jas mamandardar úshin munyń ózektiligin atap ótti.

Sondaı-aq «URANkz» RQB ókilderi jáne birneshe kún boıy «qyzyl avtobýsy» Qyzylorda oblysynda júrgen Májilis depýtattyǵyna úmitker QHP músheleri Qyzylorda mańyndaǵy problemalar týraly aıtyp berdi. Mysaly, myńǵa jýyq adam turatyn «ıAgodka» jáne «Pışevık» saıajaı alqaptarynda aýyz sý jáne marshrýttyq avtobýstar máselesi sheshimin tappaǵan. Al Tóńkeris aýylynda jergilikti turǵyndardyń ýaıymy úıleriniń tsement zaýytyna jaqyn bolýymen baılanysty bolyp otyr. Qyzyl avtobýs kartasyndaǵy taǵy bir núkte – Baıqońyr qalasynyń mańyndaǵy Tóretam kenti boldy. Aýyldaǵy jalǵyz kópqabatty úıdiń turǵyndary kandıdattarmen óz problemalaryn bólisti.