Qazaqstan halyq partııasy OSK-ǵa kandıdattar qujatyn tapsyrdy
Bul qujattar tiziminde partııanyń joǵary organynyń hattamasynan úzindi, QR Ádilet mınıstrliginde saıası partııany tirkeý týraly qujattyń kóshirmesi, partııalyq tizim, azamattardyń partııalyq tizimge enýge kelisimi týraly ótinishi jáne ómirbaıandary, múgedektigi bar kandıdattardyń anyqtamalary bar.
Al tirkeý kezinde kandıdat pen onyń jubaıynyń 2023 jylǵy 1 qańtarǵa aktıvteri men mindettemeleri týraly deklaratsııalardy tapsyrǵany týraly memlekettik kirister organynyń anyqtamasy jáne saılaý jarnasyn engizgenin rastaıtyn qujat talap etiledi.
Partııalyq tizimde úsh sanat ókilderiniń: áıelderdiń, jastardyń, múgedektigi bar adamdaryń sany jıyntyǵynda oǵan engizilgen adamdardyń jalpy sanynyń keminde 30 paıyzyn quraýǵa tıis.
«Bir maqsatymyz ǵana bar – tek qana jeńiske jetý kerek. Búgin Halyq partııasynan kandıdattar tizimin tapsyryp shyqtym. Onda 52 kandıdattan quralǵan tizim bar. Ózderińiz bilesizder, dúısenbi kúni bizdiń Halyq partııasynyń sezin ótkizdik, men baıandama jasadym, sonda bárin aıttym. Qazir esh alyp-qosarym joq. Saılaý týraly zańǵa sáıkes, ázirge eshqandaı aqparat jarııalaı almaımyz. Ortalyq saılaý komıssııasy eshqandaı úgit-nasıhat júrgizýge tyıym salynǵanyn eskertti», - dedi E. Ertisbaev Ortalyq saılaý komıssııasynda tilshilerge bergen suhbatynda.
Eske sala ketsek, kandıdattardy usyný saılaýdy taǵaıyndaý týraly Jarlyq jarııalanǵan kúnnen bastalady jáne 20 kúnge sozylady, 8 aqpanda ár aımaqta jergilikti ýaqyt boıynsha saǵat 18.00-de aıaqtalady. Úmitkerlerdi tirkeý 20 qańtardan 18 aqpanǵa deıin jalǵasady.
Aıta keteıik, 30 qańtarda Qazaqstan halyq partııasynyń kezekten tys HHІІІ sezinde kandıdattar tizimi bekitilgen edi. Partııalyq tizimde alty ulttyń ókili bar. Kandıdattardyń ortasha jasy 50 jas. Sonymen qatar tizimdegi áıelder, jastar jáne múgedek jandardvń úlesi 32,6 paıyzdy quraıdy.