Qazaqstan Halyq partııasy óńirlerde birqatar shara ótkizdi

NUR-SULTAN. QazAqparat - Búgin Qazaqstan Halyq partııasynyń kandıdattary Kókshetaýdaǵy Aqmola oblystyq aýrýhanasynda medıtsına qyzmetkerlerimen kezdesý ótkizdi. Onda partııa baǵdarlamasynyń tezısteri túsindirildi. Medıtsına qyzmetkerleriniń áleýmettik kepildikterine basymdyq berilgen QHP-nyń saılaýaldy jobasy tanystyryldy, dep habarlaıdy partııanyń baspasóz qyzmetinen.

Spıker retinde QR Parlamenti Májilisiniń depýtaty Aıqyn Qońyrov, QR Parlamenti Májilisiniń depýtattyǵyna kandıdat Oljas Syzdyqov qatysty.

Kezdesýde aýrýhanany tehnıkalyq jabdyqtaý, medıtsına qyzmetkerleriniń jumys kestesi, qyzmetkerlerdiń jalaqysy, biliktilik talaptary, dárigerler úshin áleýmettik kepildikterdi arttyrý máseleleri kóterildi. Spıkerler shara barysynda ujym ókilderi qoıǵan suraqtarǵa jaýap berdi. Medıtsına qyzmetkerleri QHP-nyń saılaýaldy jobasyn tyńdady.

Kezdesý Qazaqstan Halyq partııasynyń úgit-nasıhat naýqany aıasynda uıymdastyryldy. QHP-nyń saılaý aldyndaǵy jumysy elimizdiń barlyq óńirinde jalǵasýda.

Sondaı-aq Taldyqorǵan qalasynda da Qazaqstan Halyq partııasynyń kandıdattary óńir saılaýshylarymen kezdesý ótkizdi.

Kezdesýde partııanyń, onyń depýtattyq fraktsııasynyń jumysy týraly aqparat berildi. Qazaqstan Halyq partııasynyń saılaýaldy baǵdarlamasy tanystyrylyp, negizgi baǵyttary túsindirildi.

Saılaýshylarmen bolǵan kezdesýde partııanyń áleýmettik ádiletti qoǵam qurý úshin jarııalaǵan maqsattary nazarǵa alyndy.

Kezdesýge túrli áleýmettik toptardyń, túrli salanyń ókilderi jınaldy. Olardyń qatarynda jastar da, aǵa býyn ókilderi de bar. Ashyq dıalogta saılaýshylar óz suraqtaryn qoıdy. Kandıdattar olarǵa tolyq jaýap berdi.

Sharaǵa QR Parlamenti Májilisiniń depýtaty Irına Smırnova, QHP atynan Parlament Májilisiniń depýtattyǵyna kandıdat Erlan Smaılov, QHP Almaty oblystyq fılıalynyń birinshi hatshysy Sáýle Bıǵarova qatysty.