Qazaqstan Halyq partııasy ókilderi balalardyń densaýlyǵy máselesin kóterdi

NUR-SULTAN. QazAqparat - 19 jeltoqsanda Nur-Sultan qalasynda Qazaqstan Halyq partııasy atynan QR Parlamenti Májilisiniń depýtattyǵyna kandıdattar Oljas Syzdyqov pen Islam Suńqar erekshe balalarǵa arnalǵan «Spına bıfıda» qorynyń basshylarymen, ata-analarmen kezdesý ótkizdi.

Kezdesý barysynda ata-analar arqa bıfıda aýrýy, medıtsınalyq qyzmet kórsetý sapasy jáne áleýmettik kepildikke qatysty máselelerdy kóterdi.

Islam Suńqardyń aıtýynsha, memleket árbir adamnyń densaýlyǵyna mán berýi kerek. Alaıda olardyń esebinen paıda tabýǵa jol berilmeýi tıis.

Kezdesý barysynda spıkerler QHP saılaýaldy baǵdarlamasynyń negizgi baǵyttaryn túsindirdi.