Qazaqstan halyq bankiniń Dırektorlar keńesi jańa múshemen tolyqty
ALMATY. 10 jeltoqsan. QazAqparat - «Qazaqstan halyq banki» AQ iri aktsıoner «ALMEKS» holdıng toby» AQ-nyń ókili retinde Jomart Dosanqululy Nurabaevtyń Dırektorlar keńesiniń jańa múshesi bolyp saılanǵanyn jarııalady.
Sondaı-aq Qaırat Alpamyshuly Satylǵanovtyń Dırektorlar keńesi múshesiniń ókilettigin óz qalaýy boıynsha merziminen buryn toqtatatynyn habarlady. Q.Satylganov «Qazaqstan halyq banki» AQ-nyń Dırektorlar keńesi múshesi laýazymyn 2004 jylǵy qarashadan bastap atqarǵan bolatyn. Al J.Nurabaev jeltoqsannan bastap «ALMEKS» holdıng toby» AQ-nyń Basqarma Tóraǵasy jáne Dırektorlar keńesiniń múshesi bolyp tabylady. Buǵan deıin ol 1995 jylǵy jeltoqsannan 2000 jylǵy qarashaǵa deıin Almaty qalalyq salyq komıtetinde bólim bastyǵy, basqarma bastyǵy, Jetisý, Almaly, Medeý aýdandarynyń salyq komıteti tóraǵasynyń orynbasary boldy. 2000 jylǵy qarashadan 2003 jylǵy mamyrǵa deıin «TransOılInvestments» JShS qarjy dırektory, 2003 jylǵy mamyrdan 2005 jylǵy qyrkúıekke deıin «ALMEKS» fırmasy» JShS qarjy dırektory, 2005 jylǵy qyrkúıekten 2007 jylǵy shildege deıin «ALMEKS» holdıng toby» AQ-nyń Qarjy dırektory - Basqarma múshesi jáne 2007 jylǵy tamyzdan 30 qarashaǵa deıin Basqarma tóraǵasynyń orynbasary bolyp jumys jasaǵan edi.
