Qazaqstan halyq banki kartochkalar júıesi málimetter bazasynyń ónimdiligin ońtaılandyrý jobasyn aıaqtady
ALMATY. 11 shilde. QazAqparat - RDTEH kompanııasynyń mamandary Qazaqstan halyq banki shyǵarǵan tólem kartochkalarymen júrgiziletin operatsııalardyń tolyq tsıklyna qoldaý jasaıtyn aqparattyq júıeni ońtaılandyrý jumysyn aıaqtady.
Bul týraly búgin Almatyda «Qazaqstan halyq banki» AQ-y kartochkalar júıesi málimetter bazasynyń ónimdiligin ońtaılandyrý jobasynyń aıaqtalǵany týraly baspasóz habarlamasynda jarııalandy.Atalmysh joba nátıjesinde qarjy ınstıýtynyń kartochkalar júıesi kórsetkishteriniń PCI DSS málimetterine qatysty qaýipsizdik standarttarynyń jańartylǵan talaptaryna sáıkestigi qamtamasyz etildi. Málimetterdi jańa serverge kóshirý arqyly banktiń klıentter týraly málimettermen jumysynyń tıimdiligi arttyryldy.
Jalpy Payment Card Industry Data Security Standard (PCI DSS) - tólem kartochkalary ındýstrııasynyń Visa, MasterCard, American Express, JCB jáne Discover halyqaralyq tólem júıeleri birlesip taǵaıyndaǵan Qaýipsizdik standarttary jónindegi keńes jasap, ázirlegen tólem kartochkalary ındýstrııasy málimetteriniń qaýipsizdik boıynsha standarty. Onyń talaptaryna sáıkestikti qamtamasyz etý boıynsha tıisti sharalar qabyldaý atalǵan tólem kartochkalarynyń aqparattyq qaýipsizdigin qamtamasyz etýdi jan-jaqty, keshendi turǵydan qarastyrýdy bildiredi. Al bank shyǵarǵan tólem kartochkalarymen júrgiziletin operatsııalardyń tolyq tsıklyna qoldaý jasaıtyn aqparattyq júıeni ońtaılandyrý jumysyn jasaǵan aqparattyq tehnologııalar naryǵynda 1992 jyldan beri tabysty jumys istep kele jatqan RDTEH kompanııasy. Onyń negizgi qyzmeti - sheshimder qabyldaýǵa qoldaý jasaýdyń tıimdi júıesin jasaý arqyly óz klıentteriniń bıznesine qoldaý kórsetý. Kompanııa usynatyn qyzmetter qataryna sondaı-aq aqparattyq tehnologııalar salasyndaǵy konsaltıng, aýdıt jáne málimetter bazasy men qosymshalarynyń ónimdiligin baptaý, tehnıkalyq qoldaý jasaý, aqparattyq júıeler qaýipsizdigin qamtamasyz etý, AT-mamandaryn ázirleý kiredi.
