«Qazaqstan Halyq Banki» AQ Basqarmasynyń quramynda ózgerister oryn aldy
«Banktiń Dırektorlar keńesiniń 2015 jylǵy 30 qańtardaǵy sheshimine sáıkes bank Basqarmasy quramynyń sany 2015 jylǵy 2 aqpannan bastap 11 (on bir) adam bolyp belgilendi. Sondaı-aq, Qusaıynbekov Qýat Qaırollauly jáne Salımov Ertaı Ismaıluly Bank Basqarmasynyń jańa músheleri bolyp saılandy», - delingen habarlamada.
Qusaıynbekov Qýat Qaırollauly 1988 jyly V.I. Lenın atyndaǵy Qazaq polıtehnıkalyq ınstıtýtyn bitirdi. Halyq bankinde 1999 jyldan beri jumys isteıdi. Ár kezderde aqparattyq tehnologııalar departamenti bank júıelerin jobalaý basqarmasy bastyǵynyń, aqparattyq tehnologııalar departamenti dırektorynyń orynbasary - banktik aqparattyq júıeni jobalaý jáne damytý basqarmasy bastyǵynyń, aqparattyq júıeler departamentiniń dırektory orynbasarynyń, aqparattyq tehnologııalar departamenti dırektorynyń, aqparattyq júıeler departamentiniń dırektory - basqarýshy dırektordyń, Bas banktiń aqparattyq júıeler departamenti dırektorynyń, basqarýshy dırektordyń, bas ІT-dırektordyń laýazymdarynda qyzmet atqardy. 2015 jylǵy 02 aqpannan bastap, Bank Basqarmasynyń Tóraǵasy orynbasarynyń laýazymyna taǵaıyndaldy.
Salımov Ertaı Ismaıluly 1995 jyly Qazaq memlekettik Basqarý akademııasyn bitirdi. Halyq bankinde 1995 jyldan bastap jumys istep kele jatyr. Ár kezderde valıýtalyq operatsııalar departamentinde saýdalyq emes operatsııalar bólimi bastyǵynyń, valıýtalyq operatsııalar departamentiniń asyl metaldarmen jumys bólimi bastyǵy orynbasarynyń, halyqaralyq operatsııalar departamentiniń asyl metaldarmen jumys bóliminde jetekshi bankırdiń, halyqaralyq operatsııalar departamentiniń asyl metaldar bóliminde jetekshi bankırdiń, saýdalyq qarjylandyrý departamentinde Commodity bóliminiń bas bankıriniń, kommertsııalyq departamenttiń Commodity bóliminiń bas bankıriniń, qazynashylyqtyń aǵa dıleriniń, qazynashylyqtyń Forex, Money market operatsııalary basqarmasy bastyǵynyń, qazynashylyqtyń saýdalyq operatsııalar basqarmasy bastyǵynyń, qazynashylyq dırektory orynbasarynyń, qazynashylyq dırektorynyń, bas OPER basqarmasy bastyǵynyń, bas operatsııalyq dırektordyń laýazymdarynda qyzmet atqardy. 2015 jylǵy 02 aqpannan bastap, Bank Basqarmasynyń Tóraǵasy orynbasarynyń laýazymyna taǵaıyndaldy.
