«Qazaqstan halyq banki» AQ 2009 jyly aktıvterin 22,5 paıyzǵa ulǵaıtty
ALMATY. Sáýirdiń 6-cy. QazAqparat /Erlik Erjanuly/ - «Qazaqstan halyq banki» AQ 2009 jyly aktıvterin 22,5 paıyzǵa, kapıtaly men depozıttik bazalaryn 47 paıyzdan ulǵaıtty. Ony «Qazaqstan halyq banki» AQ Basqarma tóraıymy Úmit Shaıahmetova búgin Almatyda ótkizgen baspasóz máslıhatynda aıtty,
dep habarlaıdy QazAqparat.
«Biz qazir elimizdegi №1 bankpiz. Klıentter qarjysynyń kólemi - 46,9 paıyzǵa, kapıtal - 47,1 paıyzǵa, paıyzdyq tabys - 0,7 paıyzǵa ósti. Bazel normatıvine sáıkes eseptelgen birinshi deńgeıli kapıtal jetimdiginiń koeffıtsıenti -16,9 paıyzǵa, kapıtaldyq jetimdilik koeffıtsıenti - 20,6 paıyzǵa deıin artty», dedi ol. Onyń aıtýynsha, 2009 jyly 1,7 mıllıard dollardyń qaryzyn ótedi. Sondaı-aq 2010 jyly sáýir men qyrkúıek aılarynda tólenýge tıisti 700 mıllıon dollardyń tsındıkattalǵan zaemyn aldyn-ala tólep tastady. Endi 2015 pen 2017 jyldary tólenetin 1,5 mıllıon dollarlyq syrtqy qaryzdar ǵana qaldy. Jalpy jeltoqsannyń 31-indegi jaǵdaı boıynsha banktiń naryqtaǵy úlesi: aktıvter boıynsha - 17,2 paıyz, kredıtter boıynsha - 16,9 paıyz, depozıtter boıynsha - 20,7 paıyz, taza komıssııalyq tabys boıynsha - 21,4 paıyzdy qurady.
