Qazaqstan halqynyń shamamen 60 paıyzy sapaly aýyz sýmen qamtylǵan

ASTANA. QazAqparat - Qazaqstan halqynyń shamamen 60 paıyzy sapaly aýyz sýmen qamtylǵan. Bul týraly búgin elordada ótken brıfıngte QR Aýyl sharýashylyǵy mınıstrliginiń sý resýrstary komıteti tóraǵasynyń orynbasary Bolat Beknııaz málim etti.

«Búgingi tańda Qazaqstan halqynyń shamamen 60 paıyzy taza aýyz sýmen qamtamasyz etilgen. Bul rette halyqtyń sýmen qamtylǵanyn ne bolmasa qamtylmaǵanyn ár qyrynan qarastyrýǵa bolady. Al joǵaryda sóz ortalyqtandyrylǵan sýmen jabdyqtaý júıesine qatysty qozǵaldy», - dedi ol.

Onyń aıtýynsha, elimizde tutynylatyn barlyq sý resýrstarynyń tek qana 3-4 paıyzy aýyz sý retinde, shamamen 70 paıyzy aýyl sharýashylyǵyna, al qalǵany óndiriske paıdalanylady.

«Tolyqtaı alǵanda Qazaqstanda aýyz sý tapshylyǵy joq. Másele ony halyqqa jetkizýde bolyp tur», - dedi B.Beknııaz.

Sondaı-aq komıtet tóraǵasynyń orynbasary óz sózinde «Aqbulaq» baǵdarlamasy aıasynda Qazaqstan halqy 2020 jyly 100 paıyz sapaly aýyz sýmen qatylatynyn basa aıtty.