Qazaqstan halqynyń sany sońǵy on jylda 1 mln. adamǵa ósim kórsetken - Ulttyq halyq sanaǵy
ASTANA. Aqpannyń 4-i. QazAqparat /Jasulan Amanbaıuly/ - Qazaqstan halqynyń sany sońǵy on jylda 1 mln. 22 myń adamǵa ósken. Búgin bul jóninde QR Statıstıka agenttiginde halyq sanaǵynyń qorytyndylaryna arnalǵan brıfıngte Agenttik tóraǵasy Álıhan Smaılov málim etti,
dep habarlaıdy QazAqparat.
«Sanaqaralyq kezeńde Qazaqstan halqynyń sany 1022,9 myń adamǵa kóbeıgendigin kórsetip otyr. 1999 jylǵy aqpannyń 25-indegi sanaqtyń kórsetkishterimen salystyrǵanda halyq sany 6,8 paıyzǵa ósken», dep atap kórsetti ol.
Sonyń ishinde Qazaq halqynyń sany aldyńǵy sanaq nátıjelerine qaraǵanda, 26,1 paıyzǵa ósim kórsetip, búgingi jaǵdaı boıynsha 10098,6 myń adamǵa jetken. Qazaqstandaǵy ózbek ultynyń ókilderi 457,2 myń adamǵa jetip 23,3 paıyzǵa artqan. Uıǵyrlar sany 223,1 adam bolyp, 6 paıyzǵa ósken.
Kerisinshe, orystardyń sany 15,3 paıyzǵa, nemister - 49,6 paıyzǵa, ýkraındar - 39,1 paıyzǵa, tatarlar - 18,4 paıyzǵa jáne basqa da etnostar - 5,8 paıyzǵa azaıǵan.
