Qazaqstan halqynyń sany kelesi jyldyń sáýirinde 17 mıllıonǵa jetedi
ASTANA. 15 qarasha. QazAqparat - Qazaqstandyqtardyń sany kelesi jyldyń sáýirinde 17 mıllıonǵa jetedi. Bul týraly búgin Astanada Statıstıka agenttiginiń tóraǵasy Álıhan Smaıylov málim etti.
Agenttik basshysy qazaqstandyqtardyń ulttyq quramyna da jiti toqtaldy. 1 qazandaǵy jaǵdaı boıynsha, elde 10 mln. 945 myń 58 qazaq bar. Bul halyqtyń 65 paıyzyn quraıdy. Orystardyń sany 3 708 myń (22 paıyz), ózbekter - 504 myń (3 paıyz), ýkraındar - 308 myń (1,8 paıyz), uıǵyrlar - 240 myń (1,4 paıyz), tatarlar - 203 myń (1,2 paıyz), nemister - 181 myń (1,1 paıyz).
«Jeltoqsan aıynda respýblıkadaǵy qazaqtardyń sany 11 mıllıonǵa jetedi degen boljam bar. Jalpy halyqtyń sany kelesi jyldyń sáýir aıynda 17 mıllıon bolady», - dep atap ótti Á.Smaıylov.
Onyń aıtýynsha, halyqtyń ortasha ómir súrý uzaqtyǵy 69,5 jas. «Kelesi jyly ómir súrý jasy 70-ke jetedi», - dedi ol.
