Qazaqstan halqynyń sany 2030 jylǵa qaraı 20,3 mln. adamnan asady - T. Dúısenova
ASTANA. QazAqparat - Qazaqstan halqynyń sany 2030 jylǵa qaraı 20,3 mln. adamnan asady. Búgin Májilistiń Áleýmettik-mádenı damý komıtetiniń uıymdastyrýymen ótip jatqan kóshi-qon úderisterine arnalǵan dóńgelek ústel barysynda Densaýlyq saqtaý jáne áleýmettik damý mınıstri Tamara Dúısenova osylaı málimdedi.
Mınıstrdiń aıtýynsha, aldaǵy on segiz jylda Qazaqstan halqynyń sany 3,3 mln. adamǵa nemese 20 paıyzǵa artatyny boljanady.
«Salystyrmaly túrde boljamdardy qarasaq, 2030 jylǵa qaraı damyǵan elderde halyqtyń ósimi baıaýlap bul kórsetkish 6-3 paıyzdy ǵana quraıtyny boljanady. Halyq ósiminiń baıaýlaýy AQSh, Kanada jáne Avstralııadan basqa elderde kórinis beredi jáne osy elderden basqa damyǵan elderde 13-16 paıyz shamasynda halyq ósimi boljanady. Reseıde bul kórsetkish 3-4 paıyzǵa tómendeıdi, al Qytaıda 3-4 paıyz ósim, Brazılııada 10-12 paıyz, Úndistanda 20 paıyzǵa boljanady. Sonymen qatar, halyqaralyq sarapshylardyń boljamyna sáıkes, Úndistan 2030 jylǵa taman halyq ósimi jaǵynan Qytaıdy basyp ozatyn bolady», - dedi Tamara Dúısenova.
