Qazaqstan halqynyń sany 2020 jylǵa qaraı 19 mln.-ǵa jaqyndaıdy
ASTANA. 2 sáýir. QazAqparat - Qazaqstandaǵy halyq sany 2020 jylǵa qaraı 18,7 mln. adamdy quraıtyny boljanady.
Búgin QR Parlamenti Májilisinde ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti.
Agenttik tóraǵasynyń aıtýynsha, sońǵy 20 jylda elimizdegi halyq sanynda úlken oń ózgerister baıqaldy. Úkimet týýdy yntalandyrý, ólim-jitimdi tómendetý, mıgratsııalyq tasqyndy retteý, onyń ishinde oralmandarǵa arnalǵan jyl saıynǵy kvota sanyn arttyrý sekildi birqatar mańyzdy sharalardy qamtydy. «Sonyń nátıjesinde aǵymdaǵy jyldyń 1 qańtaryndaǵy málimet boıynsha halyq sany 16 mln. 675 myń adamdy qurady. Bul 2000 jylǵy kezeńmen salystyrǵanda 10,6 paıyz nemese 1 mln. 773 myń adamǵa artyq kórsetkish. Al perspektıvadaǵy onjyldyqqa keletin bolsaq, biz jyl saıynǵy halyq sanynyń ósimin shamamen 200 myń adamǵa esepteımiz jáne bizdiń boljamymyz boıynsha 2020 jylǵa taman halqymyzdyń sany 18,7 mln. adamdy quraıtyn bolady», - deıdi Á. Smaıylov.
